Nýsköpunarmót (Match Making) verður haldið þann 3. október kl. 13 – 16

Opinberir aðilar setja fram áskoranir og óska eftir fjölbreyttum lausnum frá sprotum og fyrirtækjum.  Fyrirtæki skrá inn sinn prófíl.  

Skráðu þig og taktu þátt 

Formið er fengið frá Evrópusambandinu og eru því öll heiti á ensku, en skráning má vera á íslensku.  

Nýsköpunarmót – vettvangur til að stuðla að nýsköpun í opiberum innkaupum

Eitt af markmiðum laga um opinber innkaup er að stuðla að nýsköpun.

Opinberir aðilar geta nýtt sér nýsköpun á margvíslegan hátt í formlegum innkaupum, útboðum sem eru auglýst sem slík, og einnig í innkaupum undir viðmiðunarfjárhæðum og innkaupum sem eru undanskilin viðmiðunarfjárhæðum.

Nýsköpunarmót er hugsað til að styðja við alla innkaupaferla og er vettvangur fyrir opinberra aðila og fyrirtæki að hittast. Opinberir aðilar setja fram áskoranir og óska eftir fjölbreyttum lausnum frá sprotum og fyrirtækjum. Á nýsköpunarmótinu gefst aðilum tækifæri á að skrá inn prófíl sinn og í framhaldinu að bóka nokkurs konar hrað-stefnumót (Match Making) með öðrum aðilum, ýmist opinberum eða fyrirtækjum.

Fyrirtækjum gefst þannig tækifæri á að kynna mögulegar lausnir á áskorunum opinberra aðila með það fyrir augum að kynna sig, fá hugasanlega tækifæri til þróunar og rannnsóknarverkefna eða vera hugmynd að nýjum verkefnum í framhaldinu færu svo í opinbera innkaupaferla.  

Nýsköpunarmótið er líka staður þar sem þróunarverkefni og rannsóknir á þjónustu geta komist á, við opinbera aðila.

Nýsköpunarmiðstöð Íslands, Ríkiskaup og fjármála- og efnahagsráðuneytið standa saman að nýsköpunarmótinu.